បន្ទាប់ពីក្រុម evad3rs
បានសម្រេចភារកិច្ចក្នុងការ Jailbreak iOS 7 រួចមក មហាជន
ទាំងឡាយដែលប្រើប្រាស់នូវ ឧបករណ៍ Apple
មានការមមាញឹកយ៉ាងខ្លាំងក្នុងការ Jailbreak ឧបករណ៍របស់ខ្លួន
ប៉ុន្ដែក៏មានអ្នកខ្លះមិនទាន់ហ៊ាន Jailbreak នៅឡើយ
ព្រោះវានៅមានបញ្ហាខ្លះៗនិងកម្មវិធីភាគច្រើននៅក្នុង Cydia
មិនទាន់អាចប្រើប្រាស់ បាននៅលើ iOS 7 ។
ដោយឡែកក៏មានប្រិយមិត្តជាច្រើនស៊ើបសួររកពុម្ពអក្សរខ្មែរ
និងក្ដារចុចខ្មែរសម្រាប់ iOS 7 ផងដែរ
ប៉ុន្ដែក្រុមអ្នក Developer ខ្មែរនៅមិនទាន់សម្រេច បាននៅឡើយ
ស្រាប់តែល្ងាចមិញនេះក្រុមអ្នក Developer ខ្មែរ 4Khmeriphone
បានផ្ដល់ភាពភ្ញាក់ផ្អើលមួយដល់ប្រជាជនខ្មែរទាំងអស់គ្នាដោយបាន
បញ្ចេញនូវពុម្ព អក្សរខ្មែរ និងក្ដារចុចខ្មែរសម្រាប់ iOS 7
ដែលជាកាដូណូអែលដ៏ពិសេសសម្រាប់ បុណ្យណូអែលឆ្នាំនេះ។
នៅខណៈនេះ Cambo Report
សូមបង្ហាញពីរបៀបតម្លើង ពុម្ពអក្សរខ្មែរ និងក្ដារចុច
ខ្មែរសម្រាប់ iOS 7 ដូចនេះសូមធ្វើតាមការណែនាំខាងក្រោម៖
កំណត់ចំណាំ
- បើសិនឧបករណ៍ Apple របស់អ្នកមិនទាន់ Jailbreak ទេសូមធ្វើការ Jailbreak ជាមុនសិន
- ក្ដារចុចខ្មែរដំណើរការតែនៅលើ iPod touch 5, iPhone 4, iPhone 4S, iPhone 5 ប៉ុណ្ណោះ សម្រាប់ iPad, iPhone 5C, iPhone 5S មិនទាន់រួចរាល់នៅឡើយ
របៀបតម្លើង Cydia repo http://4khmeriphone.com/sp
សូមចូលទៅកាន់ cydia > source > ចុចលើពាក្យ Edit > Add > បំពេញ http://4khmeriphone.com/sp រួចចុចពាក្យ Add Source
របៀបតម្លើងពុម្ពខ្មែរ
សូមចូលទៅកាន់ cydia > source
រួចចូលទៅកាន់ http://4khmeriphone.com/sp ហើយស្វែងរក iOS 7+ Khmer
Fonts រួចចុច install ហើយ restart SpringBoard ជាការស្រេច។
របៀបតម្លើងក្ដារចុចខ្មែរ
- សូមចូលទៅកាន់ cydia > source រួចចូលទៅកាន់ http://4khmeriphone.com/sp ហើយស្វែងរក iOS 7+ rows iPhone Keyboard រួចចុច install និង restart SpringBoard បន្ទាប់ពី install រួច។
- ក្រោយពីតម្លើងក្ដារចុចរួច សូមអ្នកទាំងអស់គ្នា ចូលទៅកាន់ Setting > General > Keyboard > Keyboard > add new keyboard រួចជ្រើសរើសយក “ក្ដារចុចខ្មែរ” ជាការស្រច។
- ប្រសិនយើងមើលមិនឃើញក្ដារចុចខ្មែរទេ សូមចូលទៅកាន់ cydia ម្ដងទៀតរួចតម្លើងចូលទៅកាន់ Search ហើយវាយពាក្យ Mobile substrate ហើយចុច install ហើយ Restart SpringBoard បន្ទាប់មកសូមចូលទៅកាន់ Cydia ម្ដងទៀតដើម្បីធ្វើការលុប (Remove) iOS 7+ rows iPhone Keyboard ចេញហើយសូមធ្វើការតម្លើង iOS 7+ rows iPhone Keyboard សាជាថ្មី។
របៀបតម្លើង iOS 7+ kmFi
- សូមចូលទៅកាន់ cydia > source រួចចូលទៅកាន់ http://4khmeriphone.com/sp ហើយស្វែងរក iOS 7+ kmFi រួចចុច install និង restart SpringBoard បន្ទាប់ពី install រួច។
- បន្ទាប់មកសូមចូលទៅកាន់ Settings > General > International > Regional Format ហើយជ្រើសរើសយក Khmer(Cambodia)
សូមអ្នកទាំងអស់គ្នាធ្វើតាមលំណែនាំខាងលើ
សង្ឃឹមថានឹងមានប្រសិទ្ធិភាពសម្រាប់អ្នកទាំងអស់គ្នា។ ជាចុងក្រោយ
សូមថ្លែងអំណរគុណដល់ក្រុម 4khmeriphone
ដែលបានខិតខំប្រឹងប្រែងដើម្បីបង្កើត ពុម្ពអក្សរ
និងក្ដារចុចខ្មែរសម្រាប់ចែកជូនដល់ប្រជាជនខ្មែរទាំងអស់គ្នា!
ប្រភពៈ 4khmeriphone
ដោយៈ M. Sour
04:10pm 25 ធ្នូ
0 comments:
Post a Comment